Dota 2 – CIS zona ne mari za roster lock – G novi igrač Team Spirita

Dota 2 – CIS zona ne mari za roster lock – G novi igrač Team Spirita

Prelazni rok je završen još 5. februara. Ipak, to nije zasmetalo ekipi Team Spirit da u kratkom vremenskom periodu prvo raskinu saradnju sa mid igračem Igorom “iLTW” Filatovim i na njegovo mjesto dovedu legendu CIS scene Sergey Alexandrovich “G” Bragina.

Doskorašnji igrač ekipe Gambit Esports iza sebe ima mnogo godina iskustva, ali i ekipa u kojima je to iskustvo sticao. Mnogima je poznat još iz doba legendarne ekipe Moscow Five. Za one “mlađe” poznatiji je po igrama u ekipama Virtus.Pro i Vega Squadron.

Ova promjena neće, zapravo, donijeti previše promjena (pun intented). Naime, Team Spirit je do sada uspio da se kvalifikuje za jednu LAN završnicu – Galaxy Battles Major. A onda su nesrećnim spletom okolnosti, iz već poznatih razloga, uskraćeni za taj Major dio. Osim toga, Team Spirit za sada nema bodova unutar Dota Pro Circuta i nijesu se kvalifikovali ni za jedan LAN događaj dok G nije bio dio ekipe, samim tim neće trpjeti sankcije koje bi inače uslijedile da je to bio slučaj.

Kao glavni razlog Sergejovog angažmana navodi se njegovo iskustvo, kao i sjajna komunikacija sa novim saigračima. Menadžer ekipe Nikita Čukalin je još izdvojio i činjenicu da je način na koji G igra najviše odgovarao ostalim igračima. Osim Sergeja, na listi su se našla još 4 igrača, najpoznatiji među njima je Yaroslav “Pikachu” Vasilenko, doskorašnji mid igrač ekipe M19.

Trenutni roster ekipe cine čak 4 igrača koja su bila dio ekipe Virtus.Pro na The Internationalu 5. Osim Sergeja tu su još i Ilya “Ilidan” Pivtsaev, Olexandr “DkPhobos” Kucherya i Artem “FNG” Barshack. Jedini uljez je Malthe “Biver” Winther, koji trenutno zauzima mjesto najnovijem članu ekipe Natus Vincere – Ilyi “Lil” Ilyuku.

Da li ova ekipa može ponoviti uspjeh koji je VP napravio na The Internationalu 5? Teško. Ali ono što može je da bude opasan protivnik tokom CIS kvalifikacija u nastavku Dota Pro Circuita.

Related Articles